Според информациите од туристичкото биро во Дојран,поголем дел од сместувачките капацитети во пресрет на Денот на трудот 1-ви мај, веќе се резервирани и се очекува до крајот на денот бројките двојно да се зголемат и да достигнат до околу 15.000 туристи.
Општина Дојран и јавното комунално претпријатие најавија дека во согласност со мерките и надлежностите за одржување и заштита на градското зеленило,ќе преземаат активности за превентивно дејствување во врска со заштитата од можни шумски пожари и пожари на отворен простор за време на празникот.
Тие упатија апел до граѓаните кои планираат празникот да го поминат во природа,да се воздржат од палење оган и фрлање отпадоци затоа што нивните екипи ќе вршат контрола на јавните површини при што прекршителите ќе се санкционираат со парични казни во висина од 50 до 200 евра.