Во март следната година Јохан Тарчуловски ги исполнува условите на Хашкиот трибунал за да биде условно ослободен по осум години минати во затвор, објавува во најновото издание неделникот „Република“.
Единствениот Македонец осуден од Хашкиот трибунал во март 2013 година отслужува осум години или две третини од 12-годишната затворска казна поради настаните во скопското село Љуботен од 12-ти август 2001 година.
Доколку Трибуналот се согласи, одлуката влегува во сила три месеци по отслужувањето на две-третини од казната, односно во мај Јохан конечно ќе може да се врати во Македонија, пишува „Република“.