Улицата Димитрија Чуповски во центарот на Скопје ќе стане шеталиште, а по коловозот ќе може да се движат само автобусите од ЈСП, објави весникот „Дневник“.
Според весникот, ова е предвидено со последните измени на Деталниот урбанистички план „Мал ринг“, според кои, автомобилите нема да може да возат од трговскиот центар „Палома бјанка“ па сè до крстосницата пред Собранието.
Извори на весникот од Град Скопје информираат дека за да може улицата Димитрија Чуповски да стане пешачка, првин треба да се прошири улицата Даме Груев со булеварско решение, според кое, таа би била широка 14 метри и би имала четири ленти.