Во Куманово деновиве ќе се врши реконструкција на искривените столбови на семафорите на три крстосници.
Од Општина Куманово информираат дека на реконструкцијата на столбовите ќе работат екипите на фирмата задолжена за спроведување на тендерската постапка и екипи на кумановското јавно претпријатие „Водовод“ ќе работат.
Семафорите утре ќе бидат исклучени на крстосницата помеѓу булеварите „Трета Македонска Ударна Бригада“ и „Октомвриска револуција“, на 4 јули екипите ќе работат на семафорите на крстосницата помеѓу булеварот „Трета Македонска Удрана Бригада“ и улицата „Перо Чичо“, а во четврток на 5 јули пак ќе работат на крстосницата помеѓу булеварот „Октомвриска револуција“ и улицата „Ѓорче Петров“. Според динамиката на работата, прекинот на режимот на работата на семафорите ќе трае најдоцна два дена.
За одржување на семафорите во Куманово на годишно ниво се одвојуваат милион и двесте илјади денари.