Градоначалникот на општина Ѓорче Петров Александар Наумоски денеска изврши увид во градежните работи на патот од село Кучково до манастирот „Св.Ѓоргија“, каде се врши целосна реконструкција.
Како што информираат од општина Ѓорче Петров, станува збор за реконструкција на пат во должина од 2.130 метри и ширина од три метри, каде ќе бидат поставени и нови банкини на двете страни од патот.
Средствата за проектот за општински рурални инвестиции се обезбедени од ИПА гранд програма доделена на општината во вредност од 7 милиони и 300 илјади денари. Европската унија учествува со 75 проценти од средствата, додека останатите 25 отсто се од национално учество на Владата на Република Македонија.