Реконструкција на паркот „Жена борец“

Од:

Градоначалникот на Град Скопје Коце Трајановски и директорот на ЈП „Паркови и зеленило“ Душан Авировиќ денеска извршија увид во градежните работи за реконструкција на паркот „Жена борец“.

Трајановски рече дека станува збор за реконструкција на јавна зелена површина од околу 7.000 квадратни метри, на којашто ќе се изврши замена на стариот со нов тревник и дека екипи на Град Скопје интензивно работат на хортикултурно уредување на паркот.

– Ќе се постави и систем за наводнување со 135 прскалки, 1.000 метри ситем капка по капка, главна водоводна мрежа од 850 метри и 35 хидранти за полевање на зеленилото. Во рамките на паркот е заменета старата и оштетена урбана опрема со нова. Уредени се и патеките, а веќе се монтирани 55 вградени светилки коишто ќе ги осветлуваат дрвјата. Ќе се постави и ново осветлување со 45 декоративни столбови за осветлување со висина од 4,4 метри, на кои ќе се монтираат светилки од 70 вати. Во паркот ќе се изградат и три чешмички за пиење вода и се надевам дека по неговата реконструкција ќе го направиме попријатно место за граѓаните. изјави Трајановски.

Како што соопшти Град Скопје, на хортикултурното уредување на паркот работат екипите на ЈП „Паркови и зеленило“, а за реализација на овој проект од Буџетот на Градот ќе се издвојат околу 5 милиони денари.

Би можело да ве интересира

(ВИДЕО) Голем пожар во зграда во Чаир: Евакуирани над 100 луѓе, има повредени

Катерина Ѓуровски

АХВ нареди времено затворање на кујната во касарната „Гоце Делчев“

Горан Наумовски

Во Скопје се санираат штетите од синоќешното невреме

Повеќе од 12 часа делови од Скопје без струја

Од силниот ветер падна дрво и повреди жена во центарот на Скопје

Катерина Ѓуровски

Во Тетово и во Скопје уште се санираат последиците од невремето