Општина Ѓорче Петров ги реконструира главната и неколку споредни улици во Стопански Двор до клучката со заобиколницата во должина од 600 метри. Како што информираат од Општината, извршено е чистење на старата подлога и нанесена е нова тампонска подлога.
Градежни зафати се преземени и на улиците „83,„ 81“, „96“, „87“ и „102“ во Волково, а во Волково-Пржина се работи на улиците „60“ и „76“. Во населбата Кисела Јабука се работи на улиците „42“, „ 40“ и „50“.Слични зафати се преземаат и во населбата „Лука Геров“ на најкритичните улици кои гравитираат кон главната сообраќајница. По повод престојниот верски празник свети Трифун се преземаат градежни работи и на пристапниот пат до истоимениот манастир во селото Кучково.
Средствата за реконструкција на улиците се обезбедени од буџетот на општината а работите ги изведуваат „ Трансмет“, Сашо компани “ и ГП „ Гранит“ од Скопје.