Екипите на Град Скопје ги реконструираа автобуските стојалишта на булеварот „Партизански одреди“ пред Градежниот факултет и отспротива.
Како што соопшти Град Скопје, на автобуската станица пред Градежниот факултет бил изгребан стариот вдлабнат и оштетен асфалт во должина од 160 метри, извршена била санација на долниот тампонски слој, вградена полимерна мрежа и бил нанесен нов асфалтен слој.
На автобуската станица кај ТЦ „Буњаковец“, спроти Градежниот факултет, коловозот бил реконструиран во должина од 160 метри. На терен бил изгребан стариот вдлабнат и оштетен асфалт, била извршена санација на долниот тампонски слој, вградена полимерна мрежа и бил нанесен нов асфалтен слој.
На реконструкција на двете автобуски стојалишта на булеварот „Партизански одреди“, пред Градежниот факултет и отспротива, работеле екипите на градежната компанија „Бауер БГ“. Град Скопје за овој градежен зафат вложи околу 4 милиони денари.