Градот Скопје како и изминатите години, така и годинава, во текот на летниот распуст изврши реконструкции на повеќе училишни објекти и спортски сали. Се реализираа проекти со коишто ќе се подобри енергетската ефикасност на училиштата, односно се изврши замена на столаријата и реконструкција на старите покриви на училишните објекти и спортските сали, како и проекти за реконструкција на санитарните јазли, на подовите во училиниците и во фискултурните сали и се изврши замена на дотраената електрилна инсталација.
Во средното училиште „Јосип Броз-Тито“ во изминатите години се заменети прозорците, а годинава е извршена целосна замена на азбесниот покрив на училишниот објект, кој е со површина од 4 620 квадратни метри, со што на околу 1 500 ученици ќе им се создадат подобри услови за одржување квалитетна настава.
Старите азбесно-цементни табли од покривот се отсранете и одложени во специјален бункер во депонијата Дрисла, а училиштето е покриено со ребреста ламарина.
