Ја информираме јавноста дека зад страницата „Стоп за ВМРО-ДПМНЕ“ во општина Аеродром стои граѓанска и непартиска организација која на истоимената страница пласира целосно вистинити информации, велат од оваа организација.
„Сите податоци што ги објавуваме се прибавени од буџетот на Општината, Бирото за јавни набавки и јавните активности на градоначалникот Ивица Коневски и Општина Аеродром. Целта на нашата организација е да ја следиме и критикуваме работата на локалната власт и тоа на сатиричен начин да ѝ го пренесеме на јавноста. Очигледно, Ивица Коневски не сака јавноста да ја дознае вистината и затоа вака панично реагира. Наместо да се повикува на институции да го бранат од јавно изнесените факти, го повикуваме да почне да работи транспарентно и во согласност со законите. Ние ќе продолжиме на сатиричен начин да ја информираме јавноста за сите недоследности, недомаќинско работење и трошење на парите од буџетот во Општината. Тоа граѓаните имаат право да го знаат.
Тимот на „Стоп за ВМРО-ДПМНЕ во Аеродром“ ги поканува граѓаните да ја посетат нашата страница на социјалната мрежа „Фејсбук“ https://www.facebook.com/StopZaVMRODPMNEvoAerodrom/. Секој што се сомнева во вистинитоста на нашите факти го покануваме да ги провери преку јавно достапните информации од институциите, се додава во реакцијата од оваа организација.