Советничката група на СДСМ во потполност ги оправдува и поддржува реакциите на здружението за заштита на животни „Анима Мунди“ за донесената одлука од страна на советниците на ВМРО ДПМНЕ во советот на општина Гевгелија.Сметаме дека оваа реакција е оправдана и бара секаква осуда од сите добронамерни луге во Mакедонија.
Единствено сакаме да реагираме на дезинформацијата дека одлуката е донесена едногласно.
Како советничка група ги поддржавме и ќе ги подржуваме сите програми кои ќе се спроведуваат за дезинфекција, дезинсекција и дератизација на детски градинки, основни и средни училишта итн. како задолжителна и единствена превентивна мерка пропишана во Законот за заштита на населението од заразни болести.
Но што се однесува до споменатата програма чиј Составен дел е и точката 2., дефинирана како ерадикација на животни скитници ние бевме и сме против една таква застарена и одамна со закон надмината мерка .
На седницата на совет мегу другото укажавме дека поимот Ерадикација е укинат со новиот Закон за Комунали дејности од 2012 год и дека неможе да стои во ниедна одлука.
Затоа како советничка група гласавме против оваа одлука (за што постои се разбира и записник).
Дека сме секогаш за заштита и благосостојба на домашните миленичиња докажува и нашето барање за зголемување на средствата од Програмата за поддршка на НВО секторот на Кинолошкото друштво „Кожув “ од Гевгелија од 80,000 денари на 200,000 денари. За жал нашето барање по обичај не беше прифатено од советниците на мнозинството и градоначалникот, тоа се случи на 29-та седница на Совет на Општина Гевгелија одржана на 30.01.2015 година)!