Градот Скопје, како единица на локална самоуправа, е лидер во промоцијата и спроведувањето на енергетската ефикасност во Македонија.
Градот Скопје изминативе неколку години спроведе голем број на проекти и активности во насока на спроведување на енергетската ефикасност, каде како најважни се:
– Потпишана Повелбата на Градоначалници во Европскиот Парламент, во Брисел (2010 година). Потпишувањето на Повелбата на градоначалниците е прва и најамбициозна иницијатива на Европската комисија со директно таргетирање на локалните власти и нивните граѓани, да ја преземат водечката улога во борбата против глобалното затоплување.
– Потпишан Меморандум за соработка помеѓу „Мрежата на енергетски ефикасни главни градови во југо-источна Европа, меѓу коишто се: Загреб, Скопје, Сараево, Подгорица, Тирана и Фрајбург (како град модел) и Германската развојна програма. Целта на овој Меморандум е дефинирање на идните активности и соработката помеѓу партнерите во Мрежата на енергетски ефикасни главни градови во Југоисточна Европа.
– Донесена тригодишна програма за енергетска ефикасност на објектите кои се под ингеренции на Град Скопје,
– Промена на над 95% на уличните светилки на улиците кои се под ингеренција на Град Скопје со натриумови светилки (енергетски ефикасни),
– Економично регулирање на топлински станици (систем со второстепена регулација),
– Гасификација на две средни училишта, направени проекти за гасификација за уште две средни училишта и моментално е во тек почеток на изведба на системите,
– Извршена е промена на ПВЦ прозорци во речиси сите средни училишта на Град Скопје,
– Направена е целосна реконструкција на фасадата (изолација со стиропор со дебелина од 10 сантиметри), промена на старите прозорци со нови ПВЦ и промена на покривот на СУГС „Јосип Броз Тито“, како мерки за енергетска ефикасност на објектот.
– Градот Скопје е еден од првите градови во Југоисточна Европа кој има централно регулирање на сообраќајот,
– Преку донацијата на Владата на Р.Македонија, во сообраќај се веќе вклучени 100% нови автобуси во Јавното соообраќајно претпријатие со кои ќе се заштеди големо количество гориво и ќе се намали емисијата на штетни гасови за подобрување на квалитетот на воздухот во градот,
– Се работи на проект за реконструкција на семафорите и илуминација на фасадите во центарот на Градот со лед светилки,
– Преку многубројни проекти се развива свеста кај граѓаните за користање на велосипедите како превозни средства, а се организираат и различни манифестации во овој контекст,
– Проширување на постојните велосипедски патеки и изградба на нови,
– Проширување на старите сообраќајници во нови современи булевари, изградба на нови современи сообраќајници и изготвување проекти за нови сообраќајници со кружни токови на раскрсниците, се со цел за континуирано движење на возилата, а со тоа нивно економично трошење на горивото и помала емисија на издувните гасови.
Околу тврдењето на СДСМ дека Градот Скопје и Градоначалникот Трајановски го запоставиле процесот на гасификација, сакаме да посочиме дека тоа е лага и дезинформација и дека со законските промени оваа надлежност беше префрлена во надлежност на централната власт.