„Градот Скопје, како и досега, ќе продолжи со реализација на проекти за подобрување на состојбата на зелените површини во Скопје.
Овие активности опфаќаат редовно одржување на постојаните зелени површини, подигнување на нови зелени површини, како и преку воведување на современи системи за наводнување на овие површини. Сите нови зелени површини и паркови кои се изградени и уредени од страна на Градот Скопје и ЈП “Паркови и зеленило” имаат нови хидрантски мрежи и современи системи за автоматско наводнување.
Покрај новите хидрантски мрежи и системи за наводнување, Градот Скопје во соработка со општините во Скопје, работат и на изградба на бунари за наводнување на јавното зеленило со техничка вода. Градот Скопје досега има изградено поголем број на вакви бунари, а од пред неколку години целиот Градски Парк во Скопје се наводнува со техничка вода. Ова е чекор коишто го следат и дел од останатите општини кои градат вакви бунари и работат на подобрување на состојбата со зелените површини во Скопје“, се вели во реакцијата на Град Скопје.