Во кумановската населба Гоце Делчев, синоќа беше разбиена помошната просторија на штабот на СДСМ, при што биле украдени пакет пијалоци и едно партиско знаме.
-Како шеф на Општинскиот изборен штаб сакам најостро да го осудам овој настан и да реагирам затоа што тоа не придонесува за фер и демократска борба во изборна кампања. Мислам дека она што се случува денеска, покажува дека не се искрени кандидатите за градоначалници кога потпишуваат декларација за фер и демократски избори – изјави шефот на Општинскиот изборен штаб, Оливер Спасовски.
Тој нагласи доколку станува збор за политички причини, припадниците на МВР да преземат мерки за да ги откријат сторителите.
-Доколку се тоа нашите политички опоненти, припадници на штабовите на ВМРО-ДПМНЕ и другите политички партии им порачувам дека со овој начин апсолутно нема да не заплашат и да не примораат да се повлечеме од изборната кампања –изјави Спасовски.
Елена Георгиевска