Во последните три месеци од минатата година е забележан раст и на живородените и на умрените лица, а природниот прираст изнесувал 342 лица.
Според податоците на Државниот завод за статистика, бројот на живородените деца во четвртото тримесечје од 2016 година, во споредба со истиот период од претходната година, е зголемен за 1,1 проценти и изнесува 5.669 живородени деца. Додека бројот на умрените лица во четвртото тримесечје од 2016 година бележи зголемување од 2,4 отсто во споредба со истото тримесечје од 2015 година и изнесува 5 327 лицa. Податоците на Државниот завод за статистика покажуваат дека во овој квартал умреле 55 доенчиња.