Обвинителката Вилма Русковска и по истекот на работното време остана во зградата на Обвинителството за организиран криминал каде исказ дава заменичката на Бојан Јовановски во Меѓународниот сојуз, Јасна Мандиќ. Распитот трае веќе пет часа, а започна во 11 часот. Заедно со Мандиќ, присутен на распитот е нејзиниот бранител Душко Јанковиќ.
Мандиќ во Обвинителството беше донесена од затворската полиција, бидејќи на неа и е одредена мерка куќен притвор поради опаснст од бегство, уништување на докази и други основи.
Мандиќ се сомничи за измама и перење пари во износ од засега неутврдени милион евра, кои Јовановски ги земал од бизнисмени за изградба на европски центри за возрасни лица, преку сметки на приватни лица.
Освен заменик-претседателката Јасна Мандиќ, Обвинителството за делата „измама“ и „перење пари“ ги сомничи и таткото на Бојан Јовановски – Миле Јовановски, асистенката на Јовановски – Христина Блажевска како и самиот Бојан Јовановски.