Полициски службеници од криминалистичката полиција при СВР Битола во соработка со Надворешната канцеларија за криминалистички работи Ресен, ОВР Прилеп и ПО Ропотово на 24 и 25 ноември лишија од слобода три лица 38-годишниот Е.С. од Битола, 48-годишниот И.Н. од Прилеп и 46-годишниот А.А. од село Лажани, општина Долнени, поради основи на сомнение дека на 27.04.2022 во село Подмочани, ресенско, во дворно место украле трактор ИМТ, сопственост на лице од Ресен, извести МВР.
– Тракторот е пронајден и ќе биде вратен на сопственикот, а против приведените ќе биде поднесена кривична пријава, додаваат од МВР.