Прва од министрите за кои опозицијата побара оставка е министерката за труд и социјала Мила Царовска. Пратеничката Даниела Рангелова обвини за негрижа на Ромите, и побара одговорност од Царовска за злоупотребените малолетнички од домот 25 мај.
– Треба да си одите затоа што дозволивте три дечиња од „25 Мај“ да бидат силувани, а да не понесете лична одговорност. Како мирно ќе спиете кога им ги одземавте насмевките на тие дечиња. Гледам се смеете, убаво што се појавивте, но дали се смеат дечињата што беа силувани во „25 мај“. Какви фаци правите, не можете ни во градинка да одите, а не па да бидете министер“ рече Рангелова.
Рангелова од говорницата пушташе и снимки од мобилен за кои тврдеше дека се на лица заборавени од министерството за труд и социјала.
Министерката Царовска пак возврати дека наследила покраден и згмечен систем од претходната власт на ВМРО-ДПМНЕ.
Галена Николовска-Ризвановиќ