Иако владината зграда денеска беше отворена за министрите да ги ислушаат идеите на граѓаните, не секој можеше да седне на маса со премиерот Груевски, министрите Сарачини, Ристовски или Попоски, објави „24 Вести“.
62 – годишниот Борис Миладинов од велешкото село Теово останал пред владината зграда. Му рекле дека неможе да влезе во зградата на Владата оти носел работнички чевли.
Тешко погоден од случката Борис раскажал дека е член на владејачката партија уште од основањето, а во конфликтната 2001-ва и ја обезбедувал зградата во која денеска неможеше да влезе.
Идеите кои денеска ќе бидат собрани ќе бидат испратени до институциите на кои се однесуваат. Владиниот портпарол информира дека во рок од две недели од тие идеи ќе направат проекти кои потоа ќе ги достават до кабинетот на премиерот Груевски, а ќе се разгледуваат на владина седница кон средината на следниот месец.
