Министерот за надворешни работи, Никола Димитров, на 29 ноември 2017 во Вашингтон ќе учествува на конференција во организација на Атлантскиот совет на САД насловена: „A Coming Storm? Shaping a Balkan Future in an Era of Uncertainty” („Следната бура? Обликување на балканската иднина во ера на неизвесност“).
На Конференцијата ќе земат учество министрите за надворешни работи на балканските земји и повеќе од стотина учесници и експерти од двете страни на Атлантикот. Учесниците ќе разменат мислења во насока на генерирање нови идеи и предлози за забрзан пат на балканскиот регион кон трансатлантската заедница, и поттикнување засилена поддршка за политиките на земјите во Соединетите Американски Држави.
Министерот Димитров ќе се обрати на панелот „NATO in the Balkans: Securing the Frontiers of Europe in Turbulent Times” („НАТО на Балканот: Обезбедување на границите во турбулентни времиња“).
За време на работната посета на Соединетите Американски Држави, на 27 и 28 ноември, министерот Димитров ќе оствари средби со високи претставници на американската администрација, Стејт департментот, Конгресот на САД и тинк тенк заедницата, како и со македонската дијаспора во Вашингтон.