Во Собранието на Република Македонија денеска ќе се одржи работилница за политичкото учество на лицата со попреченост.
Работилницата ќе ја отвори претседателот на македонското Собрание Талат Џафери, а на официјалното отворање ќе се обратат и Гонзало де Чезаре, шеф на Одделот за човекова димензија при Мисијата на ОБСЕ и Фросина Ташевска-Ременски, претседавач со Интерпартиската парламентарна група за правата на лицата со хендикеп.
На работилницата ќе бидат презентирани и наодите од Анализата за политичко учество на лицата со попреченост.