Директорката на Академијата за судии и јавни обвинители „Павел Шатев“, Анета Арнаудовска денеска одржа работен состанок со претседателот на Академијата на науките и уметностите на Република Македонија (МАНУ), академик Владо Камбовски, со претставниците на МАНУ, проф. Маргарит Ганев од Правниот институт при Академијата на науките на Бугарија (БАН) и претставници на БАН.
Состанокот, како што информираат од Академијата, со одржува во рамките на проектната соработка помеѓу академиите на науките и уметностите на Македонија и Бугарија, во чии рамки се одвива и работата на проектот „Реформи во судството“.
На состанокот Арнаудовска ја презентираше Академијата за судии и јавни обвинители на Република Македонија од нејзиното основање до денес, нејзината организациска структура и улогата во правосудниот систем на Република Македонија.
Во оваа прилика Арнаудовска го истакна големото значење на Академијата која го има во поглед на унапредување на знаењата на постојните судии и јавни обвинители, креирање на европскиот профил на идните судии и јавни обвинители, подигнување на свесноста на студените по правни науки за сериозноста и нивото на професионалност потребно за извршување на професиите судија и јавни обвинител, а воедно ја презентираше и широката меѓународна соработка која Академијата во континуитет ја остварува со сите релевантни институции од целиот свет, сé со единствена цел да придонесе за поглема ефикасност и модернизација на правосудниот систем на Република Македонија.
– За улогата на Академијата и нејзината успешност ги посочи резултатите од досега сработеното на секое поле кои бележат од година во година нагорна линија за што говорат и признанијата од многу меѓународни релевантни институции, а тука е секако и Извештајот на Европската комисија за напредокот на Република Македонија, во кој, Академијата е редовно посочена како успешна институција која посветува големо внимание во поглед на доследно спроведување на судските реформи во државата, се наведува во соопштението од Академијата „Павел Шатев“.