Здружението за волонтерско работно и едукативно ангажирање во сферата на екологијата Акцијаши-Скопје и Дирекцијата за заштита и спасување на 25 и 26 овој месец во Градскиот парк, зад Луна паркот, ќе постават импровизиран работен камп.
Оваа активност е по повод 50-години од катастрофалниот земјотрес во Скопје. Работниот камп ќе ја симболизира доброволната работа за време на скопскиот земјотрес.
За оваа цел, Дирекцијата за заштита и спасување ќе обезбеди шатори и кревети за сместување за 180 лица, пет штабски шатори, сирена за опасност, десет монтажни маси,
триесет столчиња и возило за транспорт на опремата.
Покрај опремата и стручна помош ќе бидат вклучени и дваесетина лица од Дирекцијата за заштита и спасување во униформа, кои ќе бидат ангажирани за време на општествените и културните збиднувања. мд/17:33