Министерката за внатрешни работи Гордана Јанкулоска заедно со вицепремиерот на Владата на Република Турција, Бекир Боздаг во полициската станица Кисела Вода го предаде во употреба реновираниот објект на Криминалистичката полиција – Единица за истрага на место и вештачење.
На настанот беа присутни и претставници од Турската агенција за соработка и координација (ТИКА) која го изврши целосно реновирање, инвестиција вредна 80.000 евра.
„Реконструкцијата беше остварена со несебична поддршка од турската Влада која е наш партнер во многу области, вклучително и безбедноста. На македонската јавност и е добро познато дека најголем дел од полициските акции која станува збор за борбата против недозволена трговија со дрога се реализирани токму во соработка со турската полиција, рече Јанкулоска по пуштањето во употреба на објектот.
