Прва редовна координација во Собранието на новиот спикер Митрески

Од:

Претседателот на Собранието на Република Северна Македонија, Јован Митрески денеска ја одржал првата редовна понеделничка координација, по изборот на функцијата.

Како што информираат од собраниската прес-служба, покрај претставниците на пратеничките групи во Собранието, на координацијата присуствуваа и потпретседателите Горан Мисовски и Хусни Исмаили, генералната секретарка Цветанка Иванова и вицепремиерот за европски прашања Бојан Маричиќ, како претставник на Владата. На координацијата присуствувале и заменик-координаторот на ПГ на СДСМ Диме Велковски, координаторот на ПГ на Алијанса на Албанците Аднан Незири и пратеникот на Левица Борислав Крмов.

На средбата, како што се наведува во соопштението, биле разгледани пристигнатите материјали во Собранието во изминатиот период, по што е закажана и првата нова седница, која ќе почне на 7 февруари.

Како што посочуваат од собраниската прес-служба, на координацијата било заклучено дека Собранието ќе продолжи со редовна динамика и во полн капацитет и во наредниот период, до почетокот на кампањата за изборите. Посочуваат дека за во деновите што претстојат ќе работат со полn интензитет и собраниските комисии.

Би можело да ве интересира

Митрески: Ќе предложиме измени на Законот за регулирање на коефициентот за плата во јавните високообразовни установи

Митрески за продолжување на рокот на патните исправи: Меѓународните договори не можат да се менуваат со друг закон

Митрески: Попладнево ќе свикам итна собраниска седница за да се реши проблемот со возачките дозволи

Митрески побара брзо решение за проблемот со возачките дозволи

Митрески – Агелер: Функционално и ефикасно Собрание е во интерес на граѓаните и на државата

Гир изрази безрезервна поддршка за новоизбраниот претседател на Собранието и на институцијата во целост