Четвртата авионска и терестрична (земјена) дезинсекција годинава против возрасни форми на комарци, утре и задутре ќе спроведе Град Скопје на подрачјето на градот.
Аеросолната дезинсекција (авионска) ќе се одвива утре и задутре во период од 5:30 до 8:00 часот, а теристичната од задутре до четврток во време од 23:00 до 03:00 часот, наредниот ден.
Доколку временските услови не го дозволуваат вршењето на аеросолната дезинсекција, авионската дезинсекцијата ќе се изврши првиот нареден ден, кога временските услови ќе бидат поволни, во истиот термин, а согласно на тоа ќе се извршува и терестричната дезинсекција.
Од Град Скопје укажуваат пчеларите навремено да ги преземат потребните мерки за заштита на пчелите.
