На површина од околу 1.000 хектари на територијата на општина Гевгелија утре во раните утрински часови ќе се изврши авионско прскање против комарци. Ќе бидат опфатени градот Гевгелија и населените места Мрзенци, Богородица, Миравци и Негорци.
Како што информира општина Гевгелија, препаратот со кој ќе се врши третирањето за заштита од комарци не е штетен за луѓето и животните и не ја загадува водата и почвата. На граѓаните им се препорачува да ги затворат прозорците и вратите додека се изведува авиопрскањето.
Се апелира до одгледувачите на пчели да преземат мерки за заштита на пчелите од помор и да ги држат затворени пчелните кошнички најмалку три или четири часа по извршеното прскање.
По дваесетина дена, на територијата на општина Гевгелија ќе биде извршено и второ авиопрскање за заштита од комарци.