(ВИДЕО) Протест во Аеродром: Зависниците не може да се лекуваат тука, ќе ни ги нападнат децата

Од:

Зависниците од наркотици не се добредојдени во населбата Аеродром. По одлуката на Министерството за здравство, зависниците својата метадонска терапија да ја земаат во општината каде што живеат, на протест излегоа жителите од околните згради кои се наоѓаат во близина на поликлиниката Јане Сандански. Тие велат дека решението на министерот Филипче е неприфатливо бидејќи во близина на поликлиниката има училишта и градинки, па стравуваат дека нивните деца можат да бидат нападнати.

„Овој протест е револт по одлуката на министерот Филипче тука да се лечат зависници од дрога. Мислам дека моите деца можат да бидат нападнати од зависници, бидејќи сум видела како се лечат, а притоа, бараат пари. Нека се отворат посебни места каде ќе примаат терапија. На пример во Драчево или Лисиче. Таму нека се лечат, таму каде нема многу население. Три простории можат да се напраат за три месеци“, вели Оливера Стефановска, жителка на Аеродром.

Ако министерот Филипче не ја повлече одлуката со која зависниците од Аеродром ќе се лекуваат во поликлиниката Јане Сандански, ексградоначалникот на општината, Ивица Коневски најави дека масовноста на протестот ќе се зголемува. Според Коневски, зависниците не можат ниту привремено да ја зимаат терапијата во оваа поликлиника.

„Сметаме дека одлуката е скандалозна бидејќи објективно проблемот на Кисела Вода ќе биде решен, но ќе биде префрлен на други три места. Тоа секојдневие кое го има во Кисела Вода ќе се префрли тука. Бараме одлуката да се повлече. Решението треба да го најде Филипче. Масовноста ќе се зголемува од ден на ден ако одлуката не се промени. Нема расположение ниту зависниците привремено да останат тука“, рече поранешниот градоначалник на Аеродром, Ивица Коневски, кој беше присутен на протестот.

Незадоволните граѓани велат дека не се против зависниците кои решиле да се лечат од дрога, но, не дозволуваат тоа да биде во нивната општина. Еден од жителите вели дека и досега наоѓал шприцеви расфрлани во локалниот парк.

„Не сме против луѓето кои собрале храброст да се лечат од дрога и апсолутно го имаат правото да го добијат својот третман, но не вака. Со ова не се решава проблемот со центарот за зависници во Кисела Вода, туку само се продлабочува. Тука има основно училиште, градинка со најголем капацитет во градот, станува збор за густо населено место“, кажа Мартин Клинчаров, еден од незадоволните жители.

Одлуката за секој зависник да се лекува во општината која живее, здравствените власти ја донесоа откако жителите на Кисела Вода со протести бараа дислокација на Центарот, а претходната идеја да се префрли во Гази Баба не беше прифатена ниту од тамошните жители.

Би можело да ве интересира

Шкотска е престолнина на смртта во Европа седма година по ред – синтетичките дроги уништуваат сè

А1он

(ВИДЕО) Објавена е снимка од американскиот напад врз венецуелски брод кој превезува дрога, загинаа 11 лица

Истрага за дилер од Гевгелија, кај него се најдени 100 најлонски зипер ќесички наркотична дрога

Скопјанец со голема количина на кокаин е уапсен кај Лесковац

Горан Наумовски

Во два одвоени случаеви претреси кај лица од Кочани е пронајдена дрога

Горан Наумовски

Наместо воздушнo перниче, во автомобилот на 62 годишен Хрват откриени 4,3 кг кокаин

А1он