Министерот за надворешни работи Никола Попоски денеска имаше проштална средба со амбасадорот на Кралството Мароко во Република Македонија со седиште во Софија, Азиза Лимаме.
– Министерот Попоски изрази задоволство од досегашната соработка и залагањето за унапредување на билатералните односи меѓу двете земји. На средбата меѓу другото, беше разговарано и за досегашниот развој на пријателските односи меѓу двете држави. Беше изразено уверување дека билатералните односи, особено на економски план, во иднина ќе бележат позитивен развој и зголемена динамика. Нагласена беше потребата од продолжување на успешниот политички дијалог, преку размена на посети на високо ниво, се наведува во соопштението од МНР.
Двајцата соговорници ја нагласиле потребата од зајакнување на правната рамка што ќе биде во функција на унапредување на односите меѓу двете држави, со посебен акцент за склучување на билатерални спогодби што ќе ја регулираат соработката во областа на економијата, културата, образованието, здравството, земјоделството и воздушниот сообраќај.