Претседателот на Собранието на Република Македонија, г. Талат Џафери, денеска оствари проштална средба со амбасадорот на Црна Гора во Република Македонија, г. Предраг Мирковиќ.
На почетокот на средбата, претседателот Џафери изрази задоволство од досегашната успешна билатерална соработка и се заблагодари на амбасадорот за ангажманот и работата во текот на неговиот мандат за зајакнување на пријателските односи меѓу двете земји.
Амбасадорот Мирковиќ се заблагодари на можноста за средбата и изрази уверување дека Црна Гора и понатаму ќе продолжи да ја подржува Република Македонија во нејзиниот пат за полноправно членство во НАТО и ЕУ.
На крајот на средбата, претседателот Џафери му посака понатамошен успех на амбасадорот Мирковиќ во неговиот иден професионален ангажман.