Министерството за внатрешни работи во текот на вчерашниот ден го идентификуваше и го пронајде лицето кое го управуваше камионот во кој се превезуваа 28 странски државјани кои нелегално престојуваа на територијата на Република Македонија.
По преземените мерки и активности утврдено е дека се работи за М.К(1992) од с.Едрениково, кој заедно со неговиот брат М.К.(1989) се договорориле со трето лицеза награда од 300 евра да извршат транспорт на илегалните мигранти до Куманово.
Согласно договорот, двајцата браќа пристигнале во Богданци каде што ги качиле во камионот мигрантите и потоа заминале кон Куманово.
Помалиот брат со товарното возило „ТАМ“ ги превезувал мигрантите додека постариот со патничко возило „Ауди“ се движел пред него во улога на чистач. Двајцата, заедно со кривична пријава, денеска ќе бидат изведени пред надлежен Истражен судија.
Во текот на вчерашниот ден, пред надлежен Истражен судија е изведен и Б.М.(1984) од с.Мустафино-Свети Николе, поради основано сомнение дека сторил КД„Криумчарење на мигранти“. Тој се товари дека при полициска контрола кога беше запрено неговото ПМВ„Мерцедес“ внатре биле затекнати се двајца сириски државјани без патни исправи. Од страна на Истражниот судија одредена му е мерка притвор во траење од 30 дена и е спроведен во затвор „Шутка“-Скопје.