Денеска, во периодот од 04 до 08 часот, при акциска контрола во реоните каде се врши ловство, полициски службеници од Одделот за униформирана полиција констатирале две кривични дела по член 396 од Кривичниот законик, извести МВР.
– Во 05.50 часот во село Зрновци, од слобода бил лишен В.Н.(59) од село Зрновци затоа што кај него биле пронајдени и одземени ловечка пушка „Орозара“ калибар 16 со ремник и четири патрони калибар 16 и ловечка пушка „Бајкал“. Во периодот од 06 до 07.00 часот, по судска наредба, бил извршен претрес во домот на Х.В.(24) од с.Митрашинци, беровско, при што биле пронајдени и одземени ловечка пушка „ИЖ-12“ калибар 16 мм и 33 патрони калибар 16 мм, соопшти МВР.
По целосно документирање на случајот, против лицата ќе бидат поднесени соодветни пријави.