Секторот за внатрешни работи Скопје, до Основното јавно обвинителство Скопје, поднесе кривична пријава против Б.Р. (20) поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанции и прекурзори“, казниво по член 215 од Кривичниот законик на Република Македонија.
На 23 април, врз основа на судска наредба, полициски службеници извршиле претрес на дом и други простории на Б.Р. во с.Визбегово. При претресот биле пронајдени четири пакувања со растителна материја и една вага со остатоци од растителна материја.
Пронајдените предмети биле одземени и дадени на вештачење, а Б.Р. бил лишен од слобода, задржан во Полициската станица Гази Баба и со него бил извршен службен разговор.
Од вештачењето било утврдено дека раститената материја претставува наркотична дрога марихуана со маса од околу 1,9 килограми.
