Вчера вечер, во 21.00 часот во Тетово, полициски службеници од СВР Тетово го лишиле од слобода 24-годишниот А.А. од село Јеловнаје, тетовско, информира МВР.
– При преглед во неговото возило „Фолксваген Голф“ со тетовски регистарски ознаки, биле пронајдени и одземени марихуана, бела тврда материја и еден нож, соопшти МВР.
Тој бил приведен во полициска станица и по целосно документирање на случајот против него ќе биде поднесена соодветна пријава.