Автоматска пушка и пиштол биле пронајдени во куќата на Ш.Р. (59) по претресот што бил извршен вчера во неговиот дом и помошни простории во тетовското село Гургурница информираше портпаролот на СВР Тетово Марјан Јосифовски.
При полицискиот претрес што вчера околу 18 часот и 20 минути бил извршен во објектите сопственост на Ш.Р. во дневната соба на првиот кат од куќата во кревет пронајдени се автоматска пушка со дрвен кундакт и две празни рамки како и пиштол Ц.З. калибар 9 милиметри со една празна рамка.
Сопственикот изјавил дека поседувал одобрение за пиштолот но го загубил. Тој бил приведен и по обавениот разговор во полицијата е пуштен но против него ќе биде поднесена кривична пријава за недозволено држење на оружје рече Јосифовски.