Градоначалниците на Скопје и Аеродром, Коце Трајановски и Ивица Коневски, советници во Советот на Град Скопје и директорот на ЈСП Мишо Николов, денеска ја промовираа новата пробна автобуска линија со број 33, што ја воведе Јавното сообраќајно претпријатие-Скопје.
– Новата пробна автобуска линија, што се воведува на барање на граѓаните, се очекува да ги реши повеќегодишните проблеми со јавниот превоз на жителите од Долно Лисиче. Оваа автобуска линија се воведува по 50 години и на жителите на ова населено место ќе им помогне побрзо и полесно да стигнат до другите делови на градот Скопје и да ги завршат своите обврски, истакна градоначалникот Трајановски.
Автобуска линија со број 33 ќе сообраќа на релација од Долно Лисиче, преку Горно Лисиче, населба Лисиче, Транспортен центар, Југодрво и Плоштад Македонија, а крајната станица ќе биде кај Дом на печат.
Градоначалникот Коневски рече дека со воведувањето на новата автобуска линија на жителите на оваа рурална средина им се овозможува полесна комуникација со другите населени места на градот.