Во организација на Институтот за македонски јазик „Крсте Мисирков“ денеска во просториите на НУБ „Св. Климент Охридски“ – Скопје ќе биде промовиран Правописот на македонскиот јазик.
Станува збор за проект чијшто носител во минатите две и пол години, а потоа и издавач е Институтот за македонски јазик „Крсте Мисирков“.
Во изработката на Правописот беа вклучени 48 соработници, пред се универзитетски професори од Институтот за македонски јазик „Крсте Мисирков“ и од Филолошкиот факултет „Блаже Конески“.
Новиот Правопис ја продолжува традицијата на стандарднојазичната норма поставена во далечната 1945 година. Тој е осовременет и освежен со нови примери што ја отсликуваат современата состојба во јазикот.
Проектот целосно е финансиран од Министерството за култура на Република Македонија, со поддршка на Владата и Министерството за образование и наука.
На промоцијата најавено е обраќање на министерката за култура Елизабета Канческа-Милевска, како и на директорката на Институтот за македонски јазик „Крсте Мисирков“ Елена Јованова-Грујовска, на роректорот за настава на Универзитетот „Св. Кирил и Методиј“ Влатко Стоилкови и на директорот на НУБ „Св. Климет Охридски“ Иван Заров.