Фондацијата Отворено општество – Македонија, на 20 март 2013 година (среда), во 12 часот, во хотелот „Холидеј Ин“ во Скопје, ќе одржи дебата на тема „Црниот понеделник и по него“ и промоција на книгата „Црн понеделник“.
Воведничари – промотори се Светомир Шкариќ, д-р на правни науки, редовен професор по Уставно право во пензија, Радмила Шекеринска, поранешна вицепремиерка за евроинтеграции и актуелна пратеничка во Собранието на Република Македонија, Љубиша Николовски, новинар и Арсим Зеколи, политички аналитичар.
Тие ќе говорат за можните последици и резултатите од настанот во Собранието на 24 декември 2012 година, од правен, политички и од новинарски аспект. Модератор на дебатата ќе биде Гордана Дувњак.
На промоцијата се поканети сите учесници во „црниот понеделник“, институциите и индивидуалците директно вклучени во отстранувањето пратеници и новинари од Собранието на Република Македонија, пратениците и новинарите, како и претставниците од дипломатскиот кор во Македонија.
Настанот може да го проследите во живо на: www.vozivo.mk
