Министерот за одбрана на Република Македонија Зоран Јолевски и началникот на Генералштабот на АРМ генерал-потполковник Горанчо Котески денеска ќе присуствуваат на свечена промоција на питомците од 14. класа на Воената академија и на слушателите од родот авијација.
На свеченоста, 34 питомци од 14. класа ќе бидат промовирани во чин потпоручник. Во рамки на оваа класа, 28 питомци се од Република Македонија, додека шест се од Црна Гора. Во однос на половата застапеност, од 34 питомци, 10 се припаднички на женскиот пол.
Како што е најавено, на свеченоста ќе бидат промовирани и двајца офицери од родот авијација кои беа дел од втората класа во Центарот за обука на пилоти во Министерството за одбрана.
На свеченоста ќе присуствуваат и заменик министерот Арбен Лабеништа, како и државниот секретар Сашо Стефаноски.