Дел од професори на Универзитетот „Св. Кирил и Методиј“ во Скопје, се во шок, по известувањето од ректорот, Проф. д-р Велимир Стојковски
Известувањето ви го пренесуваме во целост:
Ве известуваме дека по повод почетокот на академската 2012/13 година и доаѓањето на уште една нова генерација студенти на Универзитетот „Св. Кирил и Методиј“ во Скопје, во соработка со Православниот богословски факултет „Св. Климент Охридски“, на 16 септември 2012 г. (недела), ќе се одржат следниве активности:
8,30 часот, манастир „Свети Јован Крстител“ во Капиштец, света архиерејска литургија, на која ќе чиноначалствува Неговото Блаженство архиепископот охридски и македонски г.г. Стефан, покровител на Богословскиот факултет, во сослужение со Неговото Високопреосвештенство митрополитот повардарски г. Агатангел и професорите свештенослужители при Факултетот,
11,00 часот, сала „Архиепископ Доситеј“ (во зградата на Богословскиот факултет до манастирот „Свети Јован Крстител“, молебен за почетокот на академската година на Универзитетот „Св. Кирил и Методиј“ во Скопје.
Почитувани,
Од името на Универзитетот „Св. Кирил и Методиј“ во Скопје, Ве молам со Вашето присуство да дадете свој придонес во одбележувањето на почетокот на оваа академска година.
Исто така, сакам да напоменам дека влезот во манастирот е отворен за оние студенти и вработени на УКИМ кои сакаат да присуствуваат на овој чин.
Напоменувам дека за оваа пригода не е неопходно да ги носите деканските одори и инсигнии.
Со почит,
Р е к т о р
Проф. д-р Велимир Стојковски
Дел од професорите се револтирани од дописот, и професори, асистенти но и ѓраѓани, преку социјалните мрежи го изразуваат мислењето.
Еве дел од коментарите:
– Сенатот на универзитетот ќе биде заменет со Светиот Архиерејски Синод, а наместо ректор – поглаварот по службена должност ќе ја врши функцијата
– УКИМ е храм на незнаење
– Студентите можат да си ги осветат индексите за 500 денари.
– Е ова е претерано, јас сум верник, ама се претера
– Nаместо со индекс, да не треба со Библија и Куран да се оди на испит?
– Ако си веруваат зошто приватно не си одат? Зошто тоа го прават институционално. На УКИМ студираат и муслимани и протестанти и евреи…