Група професори и ученици од кумановската гиманзија „Гоце Делчев“ се вратија од двонеделна посета на руската гимназија број 13 од Санкт Петербург. Учениците и професорите разменија искуства за начинот на одвивање на образовниот процес, присуствуваа на семинари, едукации, работилници.
Една од целите за долгогодишната соработка помеѓу двете гимназии е запознавање на традицијата, културата, историјата на двата народи.
– Образовниот процес во двете гимназии е доста различен, но тоа е предност на оваа соработка. Една од целите на соработката е да го популаризираме изучувањето на рускиот јазик во нашата гимназија, но и во останатите училишта, објасни професорката по руски јазик Билјана Коцевска.
Соработката и взаемните посети помеѓу двете гиманзии кои се реализираат на годишно ниво, се еден од проектите кој предизивикува голем интерес кај учениците и професорите од двете гимназии.
Соработката помеѓу кумановската гимназија и училиштето од Санкт Петербург започна во 2009 година. Според податоците на рускиот јазик, кој има богата културна и научна традиција, зборуваат повеќе од 400 милиони луѓе во светот. Тој има официјален статус во шест држави и 19 меѓународни организации, а е еден од двата официјални јазици на Меѓународната вселенска станица. На рускиот јазик е напишана најголемата светска уметничка и стручна литература и е на четврто место на најпреведувани јазици во светот.