Во организација на Младинскиот сојуз со поддршка на фондацијата Е-Македонија денеска почнува првата фаза од проектот за инволвирање на младите во информатичкото општество „е-ENGAGEMENT“.
Проектот ќе опфати циклус од едукативни работилници во четири градови во земјава, односно во Куманово, Струга, Штип и Кавадарци. Главна цел е зајакнување и охрабрување на младите за корисење на дигитални вештини, нови идеи и алатки кои ќе им овозможат да бидат што повеќе вклучени во решавање на општествените прашања кои влијаат врз нив.