Изминатиот викенд под покровителство на фондацијата “Олоф Палме” од 13 до 15 септември во Будва, Црна гора се одржа семинар на сестринските социјалдемократски партии од Македонија, Шведска и Босна и Херцеговина.
На овој семинар свое учество зедоа социјалдемократите од Горажде (Босна и Херцеговина), Прилеп (Македонија) и Остершунд (Шведска).
На семинарот се разговараше за повеќе теми, но главен акцент беше ставен на 10-те одредници на социјалдемократијата-Златко Шарчевиќ (СДСМ-Прилеп), Шведскиот Модел- Стинг -Бјорн Љунгрен (политички аналитичар -Шведска), Демократија и организациона структура на социјалдемократските партии- Јасенко Омановиќ (пратеник во Шведскиот парламент) и Статутарни промении моментални случувања во СДСМ и слобода на изразување и состојбата на медиумите во Република Македонија -Виктор Азманоски (СДСМ-Прилеп).
Заклучокот на овој семинар по однос на медиумите и слободата на говорот е дека Македонија е на најниско ниво во сферата на слобода на изразување во споредба со останатите две земји.
На овој семинар е договорено оваа соработка да продолжи меѓу социјалдемократите од Прилеп Македонија и Остершунд од Шведска преку координаторите на проектот Лилјана Неделкоска (СДСМ Прилеп) и Лена Бакелин од Шведска.