Судењето за случајот „Дива населба“ продолжува денеска во голема сала на Врховниот суд.
Откако заврши распитот на заштитените сведоци, судското рочиште продолжува со доказна постапка и е отворено за јавноста.
На 9 и на 10 мај 2015 година во кумановската Дива населба вооружена група се судри со безбедносните сили. Во престрелката загинаа осум полицајци од специјалните и посебните единици на МВР, додека четириесетина беа тешко повредени. Убиени беа и десет лица од вооружената група.
Случајот подоцна се спои со „Молња“ во кој се води постапка против осум лица помагачи на вооружената група од Дива населба.
Сите обвинети на судењата се изјаснија како невини.