Општина Кичево работи на средување и асфалтирање на поголемиот дел на улиците во најновата населба на Кичево наречена „Раштани”. Средствата се обезбедени од општинскиот буџет.
Овој дел на градот со голема брзина се шири и општина Кичево се обидува да ја обезбеди потребната инфраструктура.
Патиштата се многу важни, па од тука уште од почетокот на градежната сезона и ние со поголем интензитет работиме на асфалтирање на улиците на оваа населба на нашиот град, вели Емин Насуфи од општина Кичево.
Тој додаде дека поголем дел на главните улици веќе се во завршна фаза, односно веќе се асфалтирани, во овој момент се работи на асфалтирање на улицата „22 Декември” во ова населба.