Собранието на Република Македонија денеска треба да го одржи првото продолжение на 92-та седница на чиј дневен ред се повеќе законски решенија по скратена постапка меѓу кои и Предлог законот за изменување и дополнување на Законот за лизинг.
Во рамките на седницата пратениците треба да расправаат и за предлог законите за изменување и дополнување на Законот за возила, на Законот за минерални суровини, на Законот за јавните претпријатија, и на Законот за угостителска дејност, сите по скратена постапка.
На дневниот ред се и предлог законите за изменување на Законот за производство и промет на вооружување и воена опрема, на Законот за управување со кризи, и на Законот за основање на Агенција за финансиска поддршка во земјоделството и руралниот развој, трите по скратена постапка.
На седницата се уште 34 предлог закони по скратена постапка, како и шест законски решенија во прво читање, една информација и три барања за автентично толкување на закони.
