Собранието на Република Македонија денеска треба да ја продолжи 85-тата седница на чиј дневен ред се повеќе закони меѓу кои и Предлог законот за дополнување на Законот за одбрана, по скратена постапка.
Пратениците треба да расправаат за предлог законите за утврдување на цени на водните услуги, за измените и дополнувања на Законот за земјоделското земјиште, измените на Законот за шумите, на Законот за лековите и медицинските средства, сите по скратена постапка.
На дневен ред се и педесетина законски решенија од економската сфера во прво читање и неколку измени и дополнувања на закони, исто така во прво читање, како и неколку барања за автентични толкувања на закони.