Собранието на Република Македонија во попладневниот дел од продолжението на 71. седница изгласа неколку закони по скратена постапка.
Пратениците ги изгласаа Предлог на законот за изменување на Законот за гаранција на Република Македонија на обврските по Договорот за заем за финансирање на Програмата за национални патишта, кој ќе се склучи меѓу Европската банка за обнова и развој и Јавното претпријатие за државни патишта, дополнувањето на Законот за гаранција на Република Македонија на обврските по Договорот за заем за финансирање на Проектот за надградба и развој на патишта, кој ќе се склучи меѓу Меѓународната банка за обнова и развој – Светската банка и ЈП за државни патишта, како и Предлог на закон за задолжување на Република Македонија со заем кај Меѓународната банка по Договорот за заем за Вториот проект за подобрување на општинските услуги, сите по скратена постапка.
Седницата ќе продолжи во понеделник во 12 часот.