Во периодот од 17 до 22 часот утре на улицата „Иљо Војвода“ бб, пред објектот на Македонскиот народен театар, ќе се воведе привремен сообраќаен режим, а дел од улицата ќе биде затворен за сообраќај, соопштија од Град Скопје.
Привремениот сообраќаен режим се воведува по повод активностите за одбележување на 70-годишнината од ослободувањето на Скопје, што ќе се одвиваат во објектот на МНТ.
Од Градот апелираат до сите учесници во сообраќајот да се придржуваат на привремениот режим и да ја почитуваат поставената патна сигнализација.