Поради изведба на атмосферска, фекална и водоводна мрежа во две фази на улицата „Св. Кирил и Методиј“, поранешна „Мито Хаџивасилев-Јасмин“ викендов на оваа делница ќе има привремен сообраќаен режим.
Во првата фаза, како што информира Град Скопје, ќе се затворат десните две сообраќајни ленти и сообраќајот ќе биде пренасочен на третата коловозна лента, која ќе остане слободна.
Во втората фаза ќе се затворат двете крајни леви сообраќајни ленти, а сообраќајот ќе се одвива по десната коловозна лента. Местото ќе биде обележано со соодветни знаци и бариери. Ваквиот режим на сообраќај ќе се одвива до завршувањето на градежните работи.
Градските власти апелираат сите учесници во сообраќајот да ја почитуваат поставената сообраќајна сигнализација и да се придржуваат на привремено поставениот режим на сообраќај.
